Atyraý oblysynyń ákimi koronavırýs qaýipiniń aldyn alý daıyndyǵyn pysyqtady
ATYRAÝ. QazAqparat -Atyraý oblysynyń ákimi Mahambet Dosmuhambetov koronavırýs qaýpiniń aldyn alý daıyndyǵyna qatysty selektorlyq rejımde jıyn ótkizdi, dep habarlaıdy QazAqparat.
Ákim jıynda oblysta, Atyraý qalasy men aýdandarda atqarylyp jatqan jumystardy pysyqtady. Sanıtarlyq beketterdiń jumysy, tıisti medıtsınalyq dári-dármekter men qural-jabdyqtardyń daıyndyǵyn naqtylady. Halyq kóp júretin oryndardy dezınfektsııalaýdyń turaqty túrde jalǵasatynyn aıtty.
«Qazir oblysta 67 kásipker maska shyǵarýda. Alaıda, bul áli de az. Sondyqtan, Atyraý qalasynda kúnine kem degende 7000, Jylyoı aýdanyna 3000, ózge aýdandarda kúnine 1500 maska shyǵarý kerek» -dedi ákim.
Sondaı-aq, ákim sanıtarlyq beketterde ózge óńirlerden keletin azamattardy muqııat tekserýdi, árbir adamnyń jeke málimetin tııanaqtaýdy tapsyrdy.
«Shekaradan ótken, ózge óńirden kelgen adamdardyń barlyǵy jiti tekserilýi kerek. Qazir oblys boıynsha teplovızor quraldary jetkilikti. Sondyqtan, qolda bar quraldardy tıimdi paıdalanyp, jumysty kúsheıtý kerek» - dedi oblys ákimi Mahambet Dosmuhambetov.
