Atyraý oblysynyń ákimi iri kompanııa basshylaryna jumys oryndaryn saqtaýdy tapsyrdy
Mahambet Dosmuhambetov aımaqtaǵy iri kompanııalar ókilderimen kezdesti. Jıynda eki másele qaraldy. Olar - jumys ornyn qysqartpaý, «Biz birgemiz» jalpyulttyq aktsııasy.
Ákimniń aıtýynsha, Prezıdenttiń tapsyrmasymen Úkimet tarapynan qazirgi kezde kásipkerlik sýbektilerine jan-jaqty qoldaý kórsetilip, tıisti jumys júrgizilip jatyr. Osyǵan baılanysty ár mekeme basshysy ónim óndirisiniń kólemin josparǵa sáıkes júzege asyryp, jumys oryndarynyń saqtalýyn qamtamasyz etýi tıis. Al, kompanııalarmen arada ekijaqty memorandýmǵa qol qoıylady. Soǵan sáıkes kompanııalar munaı baǵasynyń tómendeýi men eldegi tótenshe jaǵdaıǵa baılanysty qyzmetkerin qysqartpaýǵa mindetteme alady.
«Kásiporyndarda turaqty áleýmettik ortany qalyptastyrý birinshi basshylardyń jeke jaýapkershiliginde ekenin atap ótkim keledi. Sonymen qatar, barshańyzdy jumys oryndarynyń saqtalýyn qamtamasyz etýge shaqyramyn. Osy maqsatta áleýmettik turaqtylyqty qamtamasyz etý úshin bizdiń tarapymyzdan tıptik memorandýmdar daıyndaldy», - dedi aımaq basshysy.
