Atyraý oblysynyń ákimi EO elshilerimen kezdesti
ATYRAÝ. QazAqparat - Atyraý oblysynyń ákimi Nurlan Noǵaev aımaqta júrgen Eýropa odaǵynyń Qazaqstan Respýblıkasyndaǵy ókildiginiń basshysy Traıan Hrıstea, sondaı-aq Nıderland Koroldiginiń Qazaqstan Respýblıkasyndaǵy Tótenshe jáne Ókiletti Elshisi Hýbert Henrı jáne Lıtva Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Vıtaýtas Naýdýjaspen kezdesti.
«Búginde óńirde gollandııalyq jáne lıtvalyq kapıtaldyń úlesi bar 90 kásiporyn tirkelip, belsendi jumys isteýde. Atyraý oblysynyń EO elderimen 2016 jyldyń qańtar-naýryz aılary aralyǵyndaǵy saýda aınalymy 2 mlrd astam dollardy quraǵan. Biz aldaǵy yntymaqtastyqtyń bolashaǵyn jaqsy baǵalap, EO elderimen dıalogty tereńdetýge nıettimiz», - dedi Atyraý oblysynyń ákimi Nurlan Noǵaev.
Eýropa odaǵynyń Qazaqstan Respýblıkasyndaǵy ókildiginiń basshysy Traıan Hrıstea Qazaqstan men Eýropa odaǵy arasynda barlyq taraptarǵa, sonyń ishinde Atyraý oblysyna paıdasyn tıgize alatyn qatynastardy damytýdyń úlken áleýetine nazar aýdartty.
Kelissózderdiń sońynda Nurlan Noǵaev kezdesýdiń dıplomattardy qyrkúıek aıynda Atyraýda ótkizý josparlanyp otyrǵan «Atyrau Invest-2016» halyqaralyq ınvestıtsııalyq forýmǵa shaqyrdy.
