Atyraý oblysynyń ákimi «Chevron» kompanııasynyń basshylyǵymen «Teńiz» ken ornynda bolǵan kıkiljińdi talqylady
Búgin Atyraý oblysynyń ákimi Nurlan Noǵaev "Chevron" kompanııasynyń Eýropa, Eýrazııa, Taıaý Shyǵystaǵy barlaý men óndirý jónindegi prezıdenti Todd Levımen kezdesti.
Nurlan Noǵaev qazir jaǵdaı rettelgenin, Teńiz jobasyndaǵy jumysshylardyń ómirleri men densaýlyqtaryna qaýip joq ekenin aıtty.
Todd Levı óz kezeginde "Chevron" kompanııasynyń saıasaty boıynsha kompanııanyń barlyq qyzmetkerine teń dárejede qurmet kórsetiletinin, quqyqtary men mindetteri birdeı ekenin atap ótti.
"Osyndaı oqıǵanyń endi qaıtalanbaýy úshin Teńiz jobasyna tartylǵan barlyq merdiger mekemeler arasynda túsindirý jumystaryn júrgizemiz. Jergilikti atqarýshy organdarǵa, quqyq qorǵaý organdaryna jaǵdaıdy tez retteýge atsalysqandary úshin rızashylyq bildiremin. Alǵa qaraı da ózara baılanysymyzdy tabysty jalǵastyra beretinimizge senemiz",- dedi Todd Levı. 
