Atyraý oblysynyń ákimi brakonerlermen kúresti kúsheıtýdi tapsyrdy
ATYRAÝ. QazAqparat - Atyraý oblysynyń teńiz jaǵalaýyndaǵy aýdandarda sý polıtsııasy men balyq ınspektsııasynyń qosymsha bólimderin ashý usynyldy, dep habarlaıdy Atyraý oblysynyń óńirlik kommýnıkatsııalar qyzmeti.
Atalmysh qyzmet ókilderi taratqan málimetterge qaraǵanda, Atyraý oblysynyń ákimi Nurlan Noǵaev aımaqtaǵy zańsyz balyq aýlaýshylarmen kúres tıimdi bolý úshin sý polıtsııasy men balyq ınspektsııasynyń qosymsha bólimderin ashý máselesin sheshýdi tapsyrǵan.
«Nurlan Noǵaev Qurmanǵazy aýdanynda óńirdegi balyq sharýashylyǵynyń problemalaryna qatysty kóshpeli jınalys ótkizdi. Oǵan memlekettik organdar men quqyq qorǵaý salasynyń ókilderi, balyq aýlaıtyn kooperatıv basshylary qatysty. Jınalysta balyq salasyn retteý, zańsyz balyq aýlaýmen kúres máselesi qaraldy»,-delingen habarlamada.
Jınalys qortyndysy boıynsha aımaq basshysy memlekettik organ basshylaryna birqatar tapsyrmalar berdi. Eń bastysy - brakonerlikpen kúresti kúsheıtý jáne oblys aýdandarynda sý polıtsııasy men balyq ınspektsııasynyń qosymsha bólimderin ashý týraly usynys daıyndaý.
