Atyraý oblysynyń ákimi analardy úıine baryp quttyqtady
ATYRAÝ. QazAqparat - Búgin Atyraý oblysynyń ákimi Mahambet Dosmuhambetov analardy úıine baryp quttyqtady, dep habarlaıdy QazAqparat tilshisi.
Oblys ákiminiń aıtýynsha, qazaq halqy áıel qaýymyn ejelden erekshe qurmettegen.
«Ony tereń tarıhymyzdan anyq kóremiz. Mysaly, ótkenimizde rýly jurtqa jol siltegen, jaý qaıtarǵan, aqyn, kúıshi, tipti tutas elge úlgi-ónege bolǵan analarymyz kóp.
Barshamyz asyǵa kútetin erekshe meıramda eń aldymen analarymyzdy ardaqtaımyz. Óıtkeni, adamzat balasy úshin «álemniń jaryǵyn syılaǵan» jannyń orny árqashan aıryqsha», dep jazdy oblys ákimi Facebook -tegi paraqshasynda.
Ákim áıelder qaýymy saıası ómirge belsendi atsalysyp, strategııalyq mindetterdiń oryndalýyna da zor úles qosqanyn atap ótti. Búgingi barlyq jetistikterimizdi sizdersiz elestetý múmkin emes, dedi ákim.
«Tún uıqysyn tórt bólip ultymyzdy ulyqtaıtyn memleketshil urpaqtyń besigin terbeıtin de sizder. Salt-dástúrimiz ben tilimizdi, mádenıetimiz ben tarıhymyzdy aq sútterińizben balalarymyzdyń boıyna darytyp kelesizder. Sol sebepti, urpaq tárbıeleýdegi eren eńbekterińizge baǵa jetpeıdi. Sheksiz mahabbattaryńyz ben tózimderińizge jáne meıirimderińizge myń alǵys!», - dedi ákim.
