Atyraý oblysynyń ákimdigi Telegram arqyly usynystardy qabyldaıdy

ASTANA. QazAqparat - Telegram qosymshasynda «Atyraý oblysy ákimdigi» chat-arnasy ashyldy. Bul týraly Úkimet úıinde ótken baspasóz máslıhatynda málim boldy, dep habarlaıdy QazAqparat.

Atap aıtqanda, chat-arna   bıylǵy 7 qyrkúıekte ashyldy. Osy arqyly turǵyndardyń memlekettik organdarǵa joldaǵan usynystary men kótergen máselelerine jedel jaýap qaıtarýǵa múmkindik berildi.

Baspasóz qyzmetiniń málimetinshe, chat-arna jumysyn bastaǵaly 1 000-ǵa jýyq saýal kelip tústi. Qazir topta 900 adam bar. Bir saýaldy óńdeý men tıisti sheshim jasaýǵa 1-2 jumys kúni ketedi.