Atyraý oblysynyń ákimdigi Qalmaq Respýblıkasy Úkimetimen yntymaqtastyq týraly kelisimge qol qoıdy
PETROPAVL. QazAqparat - Qazaqstan Respýblıkasy men Reseı Federatsııasy Prezıdentteriniń qatysýymen Qazaqstan men Reseıdiń Óńiraralyq yntymaqtastyǵynyń XV forýmy sheńberinde Atyraý oblysy ákimdigi men Qalmaq Respýblıkasynyń Úkimeti yntymaqtastyq týraly kelisimge qol qoıdy, dep habarlaıdy Atyraý oblystyq Óńirlik kommýnıkatsııalar qyzmeti.
Atyraý oblysynyń tarapynan kelisimge oblys ákimi Nurlan Noǵaev jáne Qalmaq Respýblıkasy Úkimetiniń tarapynan Respýblıka basshysy Alekseı Orlov qol qoıdy. Bul kelisim ekijaqty qarym-qatynastardy damytýǵa jáne saýda-ekonomıkalyq baılanystardy ornatý úshin jaǵdaı jasaýǵa baǵyttalǵan.
«Týrızm salasyndaǵy seriktestik týrıstik resýrstardy tıimdi paıdalaný boıynsha bastamalardy belsendi túrde qoldaýǵa, sondaı-aq óńirlerdiń tabıǵı jáne mádenı muralaryn belsendi túrde alǵa jyljytýǵa baǵyttalǵan», - dedi Atyraý oblysynyń kásipkerlik jáne ındýstrııalyq-ınnovatsııalyq yntymaqtastyǵy basqarmasynyń basshysy Aıqyn Eleýsizov.
Aıta keteıik, Atyraý oblysynyń delegatsııasy Petropavlda ótken Óńiraralyq yntymaqtastyq forýmynyń jumysyna qatysty.
