Atyraý oblysynyń 8 aýylynda jaryq áli qosylǵan joq
ATYRAÝ. QazAqparat – Atyraý oblysynyń 8 aýylynda jaryq áli qosylǵan joq, dep habarlaıdy QazAqparat.
Budan buryn Atyraý oblysynda 38 myńnan astam abonent jaryqsyz qalǵan bolatyn.
Oblystyq tótenshe jaǵdaılar departamenti baspasóz qyzmetiniń málimetinshe, Qurmanǵazy aýdanynda ekpini sekýndyna 22-23 metrge jetken qatty jel soqqan. Sonyń saldarynan elektr energııasynyń jelisinde aqaý bolǵan. Aýdannyń 16 aýylynda 5 naýryzda saǵat 3:10-da jaryq sónip qalǵan.
Al, keshe, 6 naýryzda jergilikti ýaqytpen keshki 20:00-ge deıin 10 aýyl jaryqsyz otyrǵanyn jazǵan edik.
«Qurmanǵazy aýdanynyń biraz aýylynda qatty jelden sóngen elektr energııasyn qaıta qalpyna keltirý jumystary jalǵasyp jatyr. Qazir aýdandaǵy 8 aýyldyq okrýgte (Teńiz, Birlik, Safon, Kýdrıashov, Kóptoǵaı, Eńbekshi, Maqash, Aqkól) elektr jelisindegi aqaýdy qalpyna keltirip, qosý jumystaryn júrgizýge «Atyraý-Jaryq» AQ-nyń 10 brıgadasy, 60-qa jýyq jumysshysy men 23 tehnıka jumyldyrylǵan. Jergilikti aýyldyq okrýgterdiń ákimderi turǵyndardy jumys barysynan turaqty túrde habardar etip, ahýaldy baqylaýda ustap otyr», -dep habarlady óńirlik kommýnıkatsııalar qyzmeti.
