Atyraý oblysynyń 65 myńǵa jýyq turǵyny tumaýǵa qarsy ekpe saldyrdy
Oblystyq sanıtarııalyq-epıdemıologııalyq baqylaý departamentiniń bas mamany Gúldana Bısenbaıdyń málimetinshe, 19 qyrkúıekte Qazaqstan Respýblıkasynyń Bas memlekettik sanıtarııalyq dárigeri tumaý jáne JRVI boıynsha sanıtarııalyq-epıdemııaǵa qarsy is-sharalardy júrgizý týraly qaýlyǵa qol qoıǵan. Atalǵan buıryqqa sáıkes Atyraý oblysyndaǵy medıtsınalyq mekemelerdiń tumaýǵa qarsy ımmýndaý naýqanyn ótkizýge, tumaýmen jáne JRVI-men aýyratyn naýqastardy qabyldaýǵa, sondaı-aq, zerthanalardyń zertteýler júrgizýge ázirligi qamtamasyz etilgen.
«Bıyl Atyraý oblysy turǵyndarynyń 9,7% tumaýǵa qarsy ekpemen qamtyldy. Onyń ishinde 63 119 adam aqysyz negizde, al, 1 675 adam jumys berýshi tarapynan ekpe saldyrdy. Al, 14 jasqa deıingi balalar arasynda ekpe alǵandar sany – 11 893 adam. Tumaýǵa qarsy vaktsına saldyrǵan turǵyndarda asqynýlar tirkelgen joq», -deıdi Gúldana Bısenbaı.
Atyraý oblysynda jyl basynan beri epıdemıologııalyq maýsymda zerthanalyq jolmen dáleldengen tumaý aýrýshańdyǵynyń 7 jaǵdaıy tirkelgen. Onyń ishinde 2 eresek jastaǵy adam, 5 júkti áıel bar. Qazir tumaýdyń «V» túri anyqtalyp otyr.
Eske sala ketelik, budan buryn Atyraý oblysynda tumaý juqtyrǵandardyń deni - júkti áıelder ekenin habarlaǵan bolatynbyz.