Atyraý oblysynyń 450-den astam kásipkerlik nysany Ashyq jobasyna qosyldy

NUR-SULTAN. QazAqparat - «Ashyq» jobasy Atyraý oblysynyń aýmaǵynda 26 sáýirden beri jumys istep tur. Búgingi tańda Atyraý oblysynda 463 kásipker «Ashyq» jobasy boıynsha jumys istep jatyr, dep habarlaıdy QazAqparat.

QR Densaýlyq saqtaý mınıstrligi Sanıtarlyq epıdemıologııalyq baqylaý komıtetiniń málimetterine qaraǵanda, kásipkerlik nysandardyń 402-si joba qatysýshysy bolsa, 61 nysan joba aıasynda testilik rejımde jumys istep jatyr.

Jobaǵa qosylǵan nysandar kásipkerliktiń barlyq salalaryn qamtıdy.

Baǵdarlama engizilgen sátten bastap óńirdegi «Ashyq» jobasyna qatysatyn nysandarda «sary» statýsy bar 68 adam jáne «qyzyl» statýsy bar 34 adam anyqtalǵan.

11 jáne 28 maýsym aralyǵynda óńirde Ashyq jobasyna qatysatyn nysandarda «qyzyl» mártebesi bar ózin-ózi oqshaýlaý rejımin buzǵan 17 adam anyqtaldy. Ákimshilik jaýapqa 2 turǵyn tartyldy. Árbir jeke tulǵaǵa 87 510 teńge mólsherinde aıyppul salyndy.