Atyraý oblysyndaǵy jol apatynda áıel adam qaza taýyp, eki adam zardap shekti
ATYRAÝ. QazAqparat - Atyraý oblysynda jol-kólik apatynan bir adam mert bolyp, ekeýi zardap shekti, dep habarlaıdy «QazAqparat» HAA tilshisi.
«4 aqpan kúni saǵat 18.00-de Astrahan-Aqtóbe tasjolynda jol-kólik apatynyń bolǵanyn rastaımyz. Bir adam qaza tapty. Birqatar saraptamalar taǵaıyndaldy. QR QK 345-babynyń 3-bóligi boıynsha sotqa deıingi tergeý jumystary bastaldy», - dep habarlady oblystyq ІІD-niń baspasóz qyzmeti.
Polıtsııa basqa da derekterdi naqtylaǵan joq.
Jol apatynda zardap shegýshilerdiń týystarynan belgili bolǵandaı, 1954 jylǵy áıel, jeńil kólik júrgizýshisiniń anasy qaza tapqan. Júrgizýshiniń áıeli men bir jasar balasy aýrýhanada jatyr.
