Atyraý oblysyndaǵy jan túrshigerlik jol apatynan úsh adam qaza taýyp, beseýi zardap shekken
mATYRAÝ. QazAqparat - Atyraý oblystyq densaýlyq saqtaý basqarmasynyń málimdeýinshe, 22 maýsym kúni Inder aýdanynda bolǵan jol apatynan qaza taýyp, zardap shekkenderdiń jalpy sany - 8. Buǵan deıin úsh adam qaza taýyp, tórt jolaýshy jaraqat alǵany aıtylǵan, dep habarlaıdy QazAqparat tilshisi.
«Oqıǵa ornyna jedel járdem brıgadasy jiberildi. Oqıǵa ornynda eki adam qaza tapqan, Inderbordaǵy aýdandyq aýrýhanaǵa barar jolda taǵy biri qaıtys boldy. Aýrýhanaǵa zardap shekken 5 adam jetkizildi. Aýdanǵa hırýrg pen reanımatolog jiberildi», - dep málimdedi oblystyq densaýlyq saqtaý basqarmasynyń baspasóz qyzmeti.
Eske sala keteıik, qaıǵyly oqıǵa Inder aýdanynyń Inderbor aýylynda boldy. «Toıota» jáne «Leksýs» avtokólikteri soqtyǵysyp, úsh adam oqıǵa ornynda mert boldy, al tórteýi túrli jaraqatpen aýrýhanaǵa jetkizildi.
Aımaqtyq polıtsııa dempartamenti baspasóz qyzmetiniń málimetinshe, jol-kólik oqıǵasy negizinde QR QK 345-baby, 3-bólimi boıynsha qylmystyq is qozǵalǵan.
Oblystyq densaýlyq saqtaý basqarmasynyń málimdeýinshe, mamandar zardap shekkenderdi sanıtarlyq avıatsııamen Atyraýǵa jetkizý týraly sheshim qabyldaǵan.
