Atyraý oblysyndaǵy jabyq ýchaskelerde daýys berý aıaqtaldy

ASTANA. QazAqparat - Atyraýda Májilis pen máslıhat depýtattarynyń kezekten tys saılaýy boıynsha 269 saılaý ýchaskesi qurylsa, onyń 11-i jabyq ýchaskeler. Al, dál qazir jabyq ýchaskelerdegi daýys berý aıaqtaldy. Bul týraly oblystyq saılaý komıssııasynyń tóraǵasy Azamat Aımanakýmov málim etti, dep habarlaıdy Óńirlik kommýnıkatsııalar qyzmeti.

«Oblysta 9 aýrýhanada, 1 áskerı bólim men ýaqytsha qamaý ornynda jabyq ýchaske quryldy. Áskerı bólimde saılaýshylar tańǵy saǵat 6:00-den bastap óz tańdaýlaryn jasasa, qalǵan jabyq ýchaskeler 7:00-de bastady. Al qazir ol ýchaskelerde daýys berý aıaqtalyp, sanaý júrip jatyr», - dedi A.Aımanakýmov.

Onyń aıtýy boıynsha, búgingi saıası naýqannyń ashyq ótýi úshin jergilikti jáne halyqaralyq baıqaýshylar jumys jasap jatyr. Halyqaralyq baıqaýshy retinde Eýropadaǵy qaýipsizdik pen yntymaqtastyq jónindegi uıymnan 14 ókil kelip, óz jumystaryn atqarýda. Sondaı-aq 1500-ge jýyq ulttyq baıqaýshy saılaý protsessine qatysyp jatqanyn jetkizdi.

Aıta keteıik, ázirge oblys boıynsha atalǵan saılaýda eshqandaı quqyq buzýshylyq tirkelmegen.