Atyraý oblysyndaǵy zaǵıp jan tańǵy saǵat 7-de daýys berdi

ATYRAÝ. QazAqparat – Atyraý oblysynda zaǵıp jan Dúısáli Qaldybaı saılaý ýchaskesine kelip, daýys berdi, dep habarlaıdy QazAqparat tilshisi.

Atyraý oblystyq aýmaqtyq saılaý komıssııasynyń málimetinshe, búgin 412 165 saılaýshy 269 saılaý ýchaskesinde daýys berip jatyr.

Saılaýshylardyń qatarynda Jylyoı aýdanynyń ortalyǵy – Qulsary qalasynda turatyn Dúısáli Qaldybaı da bar. Onyń kózi kórmeıdi. Biraq ol óziniń múmkindigin eshqashan shektegen emes.

Onyń esimi kórkemsóz oqý sheberi retinde tanylǵan. Ómirge qushtarlyǵyn joımaǵan zaǵıp jan túrli saıystarǵa qatysady. Búgin Qulsary qalasyndaǵy №97 saılaý ýchaskesine tańǵy saǵat 7:00-de kelip, daýys berdi. Ony saılaý ýchaskesine uly alyp kelgen. Ýchaskelik saılaý komıssııasy alǵashqy bolyp daýys bergen zaǵıp janǵa arnaıy syılyq usyndy.

«Óńirde 269 saılaý ýchaskesi ashyldy. onyń ishinde aýrýhanalarda, ýaqytsha ustaý oryndary jáne áskerı bólimderde 11 jabyq ýchaske bar. Barlyq saılaý ýchaskesi materıaldyq-tehnıkalyq jabdyqtarmen qamtamasyz etilgen. Múmkindigi shekteýli azamattardyń daýys berýi úshin qolaıly jaǵdaı jasa úshin 54 ınvataksı qyzmeti uıymdastyrylyp otyr. Saılaýda 412 165 saılaýshy daýys beredi», -dep habarlady oblystyq aýmaqtyq saılaý komıssııasynan.

Eske sala ketelik, budan buryn Atyraýda Parlament Májilisiniń depýtattyǵyna 20 kandıdat usynylǵanyn, keıin 13 kandıdat talasatynyn habarlaǵan edik.

Sondaı-aq, Atyraý oblysynda máslıhat depýtattyǵyna talasatyn úmitkerlerdiń 21 paıyzy – áıelder ekenin jazǵan bolatynbyz.