Atyraý oblysyndaǵy vahtalyq kentte 3 adam mert boldy
ATYRAÝ. QazAqparat - Atyraý oblysynyń Jylyoı aýdanyna qarasty Teńiz vahtalyq kentinde órt shyǵyp, úsh adam qaza tapty, dep habarlaıdy QazAqparat tilshisi.
«Qaıǵyly oqıǵa 20 tamyz kúni Teńiz munaı ken ornyna taıaý jerdegi Teńiz vahtalyq kentinde boldy. Áldeqashan jabylyp, qaraýsyz qalǵan jataqhana órtke orandy. Ol belgili bir JShS-ǵa tıesili bolǵan. Tilsiz jaýdan Jylyoı aýdanynyń eki turǵyny men Qyzylqoǵa aýdanynyń bir turǵyny qaza tapty. Qazirgi ýaqytta tergeý amaldary júrgizilip jatyr. Onyń barysynda órttiń shyǵý sebebi, qaza tapqan adamdardyń dál sol ýaqytta nelikten ıesiz qalǵan jataqhanada júrgeni anyqtalatyn bolady», - dedi Atyraý oblysy TJD baspasóz qyzmetiniń ókili.
