Atyraý oblysyndaǵy Tuzdykól jaǵasynda shıpajaıdyń qurylysy bastaldy
ATYRAÝ. QazAqparat – Atyraý oblysyndaǵy Tuzdykól jaǵasynda jańa shıpajaıdyńqurylysy bastaldy, dep habarlaıdy QazAqparat.
Oblystyq kásipkerlik jáne ındýstrııalyq-ınnovatsııalyq damý basqarmasy basshysynyń
orynbasary Qarlyǵash Bekbaevanyń aıtýynsha, Tuzdykól Inder aýdanynda ornalasqan.
«Oblys ákimdiginiń tapsyrysymen S.Ótebaev atyndaǵy Atyraý munaı jáne gaz ýnıversıteti 2018 jyly Pıatıgorsk balneologııalyq kýrortymen birlesip Tuzdykóldiń balshyǵyn tıimdi paıdalanýdyń ǵylymı negizdemesin ázirleýdi bastady. Sol kezde akademık Mýftah Dıarovtyń jetekshiligimen bir top ǵalym zertteý júrgizdi. Ǵalymdar Inder aýdanyndaǵy Tuzdykóldiń balshyǵyn emdik maqsatta qoldanýǵa bolatyny týraly qorytyndy jasady. Sondaı-aq, Pıatıgorsk ǵalymdary Tuzdykól balshyǵyn qandaı aýrýlarǵa, qansha mólsherde, qashan jáne qalaı qoldanýǵa qajettigi týraly egjeı-tegjeıli sıpattama berdi», -deıdi Qarlyǵash Bekbaea.
Onyń málimetine súıensek, Tuzdykól jaǵasynda saýyqtyrý baǵytyndaǵy shıpajaı kesheni boı kóteredi. Qazir shıpajaı kesheniniń qurylysy bastalǵan. Shıpajaı kesheniniń qurylysyna «Neftstroıservıs» JShS 5,8 mlrd teńge kóleminde ınvestıtsııa salǵaly otyr.
«Bul – úsh kezeńmen júrgiziletin joba. Onyń birinshi kezeńi 2023 jyldyń sońyna qaraı
aıaqtalady», -dep málim etti Qarlyǵash Bekbaeva.
Jobanyń birinshi kezeńinde 3 qabatty 50 oryndyq turǵyn jaı salynady. Oǵan qosa
medıtsınalyq blok pen basseın boı kóteredi.
Eske sala ketelik, buǵan deıin Atyraý oblysynda qurǵaq qurylys qospalar shyǵaratyn
tseh iske qosylǵanyn habarlaǵan edik.
