Atyraý oblysyndaǵy túıe ólimi toqtady

ATYRAÝ.QazAqparat - Atyraýdaǵy Jylyoı aýdanynda barlyq túıelerge parazıtke qarsy dári-dármekter berilip jatyr, dep habarlaıdy QazAqparat tilshisi.

Atyraý oblysynyń Óńirlik kommýnıkatsııalar qyzmetiniń málimetinshe, aǵymdaǵy jyldyń 3-28 shilde kúnderi aralyǵynda Jylyoı aýdanyna qarasty Aqkıiztoǵaı aýylynda jáne Qulsary qalasynyń qarasty Jadyrasyn yqshamaýdanynda 11 bas túıe shyǵyn bolǵan. Shuǵyl saraptama jasaldy. Ony nátıjeleri oblystyq veterınarııabasqarmasyna tapsyrylyp, qorytyndysy shyqty. Mamandardyń aıtýynsha, juqpaly aýrýlardyń eshqandaı belgileri joq.
«Túıeler jaıylatyn jaıylymdardaǵy jem-shópterden jáne Jem ózeninen saraptama alyndy. Qorytyndysy boıynsha normadan eshqandaı aýytqýshylyq joq. Al, túıe óleksesin potologııalyq-anatomııalyq jaryp soıý nátıjesinde kómekeı qýysynda kóp mólsherde qurttardyń bar ekeni anyqtaldy. Veterınarlar bul tsefalopınoz degen aýrý dep qorytyndyǵa keldi», - deıdi Atyraý oblystyq veterınarııa basqarmasynyń basshysy Azamat Aıtqalıev.
​Búgingi kúngi málimet boıynsha, aýdanda 9720 túıe bar. Barlyq túıelerge parazıtterge qarsy dári-dármekter berilip, óńdeý jumystary júrgizilip jatyr.