Atyraý oblysyndaǵy Teńiz kenishinde koronavırýspen aýyrǵan naýqastar joq
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlik – 22 qarashada qaýipti vırýsty 8 adam juqtyrǵan.
Koronavırýs ınfektsııasynyń taralý deregi burynǵysha Atyraý qalasynda baıqalyp otyr. Ótken táýlikte shaharda 7 adamnan Covid-19 ınfektsııasynyń belgisi rastalǵan. Al, 1 naýqas Qurmanǵazy aýdanynda tirkelgen.
«Qazir Atyraý oblysy «jasyl» aımaqta tur. Soǵan qaramastan, 68 adam úı jaǵdaıynda, 68 naýqas ınfektsııalyq statsıonarlarda emdelip jatyr. Onyń ishinde Atyraý qalasyndaǵy modýldik aýrýhanada – 50, aýdandardaǵy ınfektsııalyq statsıonarlarda – 15, ftızıopýlmanologııalyq ortalyqta 3 patsıent oqshaýlanǵan. Al, Jylyoı aýdanynda ornalasqan Teńiz ken ornyndaǵy ınfektsııalyq statsıonarǵa koronaıvrýs ınfektsııasyn juqtyryp, emdelýge jatqyzylǵan birde-bir naýqas joq» -dep málim etti basqarmanyń baspasóz qyzmetinen.
Eske sala ketelik, budan buryn Teńiz kenishindegi ınfektsııalyq statsıonarda koronavırýspen aýyrǵan naýqas joq ekenin habarlaǵan edik.