Atyraý oblysyndaǵy Teńiz ken ornynda 25 adam ýlandy
ATYRAÝ. QazAqparat - Atyraý oblysy Teńiz ken ornynda 25 adam tamaqtan ýlandy, dep habarlaıdy QazAqparat tilshisi.
«Teńizshevroıl» JShS merdiger kompanııalarynyń biriniń qyzmetkerleri Teńiz vahtalyq kentinde ýlandy. Keshki astan keıin 25 adam ózderin jaısyz sezine bastaǵan. Barlyq belgiler boıynsha olardyń ýlanǵany anyqtaldy. Olardyń barlyǵy Qulsary qalasyndaǵy aýdandyq ortalyq aýrýhanaǵa jetkizildi. Alǵashqy medıtsınalyq kómek kórsetilgennen keıin 21 adam ambýlatorlyq em alýǵa jiberildi. Tórt adam aýrýhanada jatyr», - dep habarlady oblystyq densaýlyq saqtaý basqarmasynyń baspasóz qyzmeti.
