Atyraý oblysyndaǵy órt: Taǵy bir adam kóz jumdy
ASTANA. QazAqparat - Atyraý oblysynda keshe bolǵan órt apatynan zardap shekkenderdiń biri qaıtys boldy, dep habarlaıdy QazAqparat oblystyq aýrýhanaǵa silteme jasap.
Eske sala keteıik, keshe Atyraý oblysynda Qarabatan «Gaztýrbınalyq elektr stansysynyń» qurylys aýmaǵynda konteıner tıptes jataqhana órtengeni týraly habarlanǵan bolatyn. Aldymen tórt adamnyń, keıin taǵy eki adamnyń máıiti tabylyp, budan bólek tórt adam aýrýhanaǵa jetkizilgen.
Órttiń shyǵýyna aldyn ala boljam boıynsha - elektr symdar júıesiniń qysqa tuıyqtalýy sebep bolǵany aıtyldy.
Oqıǵa boıynsha jergilikti atqarýshy organdar Atyraý oblysy ákiminiń birinshi orynbasary Saǵyndyq Luqpanov basshylyǵynda jedel shtab qurdy.
Qaıtys bolǵandardyń otbasylaryna materıaldyq kómek kórsetilmek. Bul jaıly keshe Óńirlik kommýnıkatsııalar qyzmetinde ótken brıfıng barysynda «PSI Stroy industriya» AF JShS merdigerlik uıymynyń jobalyq menedjeri Erjan Sadyrbalın málimdedi.
