Atyraý oblysyndaǵy munaıly aýdan turǵyndary qarbyz ben qaýynnan mol ónim jınady
ATYRAÝ. QazAqparat - Atyraý oblysyndaǵy munaıly Maqat aýdanynyń turǵyndary bıyl baqsha ónimderin ósirdi, dep habarlaıdy «QazAqparat» HAA tilshisi.
«Bizdiń munaıly aýdan kúrdeli klımattyq jaǵdaıǵa baılanysty egin sharýashylyǵymen aınalysa almaıdy. Sondyqtan, baqsha jáne jemis-jıdekter neshe ǵasyrdan beri syrttan tasymaldanyp keldi. Biraq, bıyl kórshi Inder aýdanynyń basshylyǵymen kelisip, Jarsýat aýylynyń aýmaǵynan bizge jer bólindi. «Aqmaral» ShQ qurylyp, onyń jumysshylary kóktemgi egis naýqanynda 17 ga jerdi ıgerdi. 10 ga aýmaqqa qarbyz ben qaýyn, 4 ga - qyzanaq pen qııar, 36 ga - kartop egildi», - dedi Maqat aýdanynyń ákimi Berikqalı Sársenǵalıev.
Ósimdik sharýashylyǵymen 10 adam aınalysyp jatyr. Qazir 8 tonna qarbyz ben 2 tonna qaýyn jınaldy. Ónim jınaý áli jalǵasyp jatyr.
