Atyraý oblysyndaǵy mektepterde 23 synyp karantınge jabyldy

ATYRAÝ. QazAqparat – Atyraý oblysyndaǵy mektepterde 23 synyp karantınge jabyldy, dep habarlaıdy QazAqparat.

Oblystyq sanıtarııalyq-epıdemıologııalyq baqylaý departamentiniń bólim basshysy Aısulý Dosqalıevanyń málimetine súıensek, jańa oqý jyly bastalǵaly 200-ge jýyq oqýshy koronavırýs ınfektsııasyna shaldyqqan.

«Onyń ishinde 170-ke jýyq bala naýqastarmen jaqyn qarym-qatynasta bolǵandyqtan qaýipti vırýsty juqtyrǵan. Al, mektepke barǵan soń ınfektsııaǵa shaldyqqan 23 bala ýaqytsha oqshaýlandy. Mektepterde 23 synyp karantınge jabyldy. Bul synyptardyń oqýshylary 14 kún úıinde bolady. Tamyz aıynda mektep jasyndaǵy oqýshylary arasynda 1 062 jaǵdaı tirkeldi», -deıdi Aısulý Dosqalıeva.

Eske sala ketelik, buǵan deıin Atyraýda 89 oqýshy koronavırýs ınfektsııasyn juqtyrǵanyn jazǵan edik.