Atyraý oblysyndaǵy kólik apatynan bir adam kóz jumyp, 5 adam jaraqattandy

ATYRAÝ. QazAqparat - Aqtóbe - Atyraý - Astrahan tas jolynda jantúrshigerlik jol apaty boldy, dep habarlaıdy QazAqparat polisia.kz saıtyna silteme jasap.

29 qyrkúıek kúni saǵat 15:50 shamasynda respýblıkalyq mańyzy bar Aqtóbe - Atyraý - Astrahan tas jolynda Ford Transit avtokóliginiń 66 jastaǵy júrgizýshisi rýlge ıgere almaı, qarsy baǵyttaǵy Ýral jáne Lada avtokólikterimen soqtyǵysqan.

Jol-kólik oqıǵasy saldarynan Ford Transit kóliginiń 55 jastaǵy jolaýshysy oqıǵa ornynda qaza tapty. 5 adam ár túrli dene jaraqattarymen oblystyq aýrýhanaǵa jetkizilgen.