Atyraý oblysyndaǵy kanalda balyqtyń neden qyrylǵany anyqtaldy
Budan buryn Atyraý oblysynyń Isataı aýdanyndaǵy kanalda balyq qyrylyp, 197 keli ólekse jınalǵan bolatyn.
Balyq sharýashylyǵy komıteti baspasóz qyzmetiniń málimetinshe, alabuǵa, taban, shortan jáne móńke balyqtary qyrylǵan Naryn sýlandyrý-sýarý kanaly «AtyraýSýshar» RMK-niń balansyna alynǵan. Kanaldyń uzyndyǵy – 177,8 km, eni – 40 m. Janbaı aýyldyq okrýginen Aqbas ýchaskesine deıingi aralyqta kanaldan 228 keli balyqtyń óleksesi jınalyp, sanıtarlyq normalarǵa sáıkes joıylǵan.
«Sý synamalaryn taldaý nátıjeleri boıynsha ammonıı azotynyń, hlorıdterdiń, temirdiń, qalqyma zattardyń jáne qurǵaq qaldyqtyń shekti ruqsat etilgen kontsentratsııasynan (ShJK) asyp ketkeni anyqtaldy. Atyraý oblysynyń mamandandyrylǵan tabıǵat qorǵaý prokýratýrasy «Jaıyq-Kaspıı» oblysaralyq basseındik balyq sharýashylyǵy ınspektsııasynyń bastamasymen «AtyraýSýshar» RMK-ǵa qatysty qylmystyq is qozǵaý máselesin qarastyrýda» -dep habarlady komıtettiń baspasóz qyzmeti.
