Atyraý oblysyndaǵy qamys órti búgin-erteń tolyq óshiriledi - ıÝrıı Ilın
«Barlyq tótenshe jaǵdaıda túptep kelgende adamdar zardap shegedi. Al órtke qatysty tótenshe jaǵdaı kóp jaǵdaıda adamı faktorǵa baılanysty. Tabıǵatta da, turmystyq jaǵdaıda da órttiń 80 paıyzdan astamyna adamdar kináli», - dedi mınıstr Májilistiń jalpy otyrysynan keıin BAQ ókilderiniń saýalyna oraı.
Sonymen qatar ol Atyraýdaǵy qamys órtine zańsyz ań jáne balyq aýlaýshylar kináli bolýy múmkin ekendigin joqqa shyǵarmady.
«Qazirgi ýaqytta Atyraý oblysyndaǵy ahýal baqylaýda tur. Degenmen, adam aıaǵy nemese tehnıka jetýi qıyn jerler bar. Biz órtti sóndirýge sý shashatyn qurylǵysy bar áýe kemelerin qosymsha jumyldyrdyq. Menińshe, búgin jáne erteń órt oshaǵyn tolyqtaı óshiremiz», - dedi ıÝrıı Ilın.
Osyǵan deıin Kaspıı jaǵalaýynda qamys órtimen kúres jalǵasyp jatqany habarlandy.
Keshe jalyndy sóndirýge «Qazavıaqutqarý» AQ-nyń sý aǵyzý qurylǵysy bar MI-8 tikushaǵy jumyldyryldy.
