Atyraý oblysyndaǵy qamys órti 3 kúnnen beri sóndirilýde

ATYRAÝ. QazAqparat - 2 sáýirde «AqJaıyq» tabıǵı memlekettik rezervatynda shyqqan órttiń jalpy aýdany 130 gektardy quraıdy. Qazirgi kezde onyń 127 gektary sóndirildi, dep habarlaıdy QazAqparat TJM silteme jasap.

Búgingi tańda batpaqty, sýly jerlerde shamamen 3,3 ga aýmaqta qamystyń tutanýy anyqtaldy.

Aıta ketý kerek, bıiktigi 2-2,5 metr bolatyn qalyń qamys butalaryn sóndirýge jerdiń qatty sýly-batpaqty bolýy qıyndyq týdyrdy. Sondyqtan órt sóndirý avtotehnıkasynyń janý oshaqtaryna ótýi múmkin emes. Osyǵan baılanysty TJD órt sóndirý bólimsheleri sóndirýdi órt sóndirgishter men hlopýshkalardyń kómegimen jaıaý júzege asyrýda.

Qazirgi ýaqytta órt sóndirýge Atyraý oblysy TJD 39 qyzmetker men 4 birlik tehnıka jáne «Aq Jaıyq» tabıǵı memlekettik rezervatynan 30 adam men 9 birlik tehnıka, 2 qaıyq, 4 motopompa jumyldyryldy.

Budan basqa, órtti sóndirýge «Qazavıaqutqarý» AQ-nyń 5-STQ sý tógetin qurylǵysy bar MI-8 tikushaǵy jumyldyrylyp, qamys ósimdikterin sóndirý jumystary júrgizilýde.

Órtti sóndirý jumystary jalǵasýda.

Osyǵan deıin Kaspıı jaǵalaýynda qamys órtimen kúres jalǵasyp jatqany habarlandy.

Keshe jalyndy sóndirýge «Qazavıaqutqarý» AQ-nyń sý aǵyzý qurylǵysy bar MI-8 tikushaǵy jumyldyryldy. Tótenshe jaǵdaılar mınıstri ıÝrıı Ilın qamys órti búgin-erteń tolyq óshiriletinin aıtty.