Atyraý oblysyndaǵy eldi mekenderdi sý basý qaýpi joq
Oblystyq tótenshe jaǵdaılar departamentiniń baspasóz qyzmetinen málim etkendeı,kóktemgi sý tasqynyna daıyndyq, ony ótkizý jáne yqtımal zalaldy azaıtý jónindegi is-sharalar jospary ázirlengen.
«Reseı Federatsııasy Tótenshe jaǵdaılar mınıstrliginiń Astrahan, Volgograd jáne Orynbor oblystaryndaǵy bas basqarmalarymen Volgograd pen Irıklın sý
qoımalaryndaǵy gıdrologııalyq derekterdi almasý bastaldy. Qazir Orynbor oblysyndaǵy Irıklın sý qoımasynan ortasha táýliktik sý jiberý kólemi sekýndyna 15 tekshe metrdi quraıdy. Al, Volgograd sý qoımasynyń týrbınalary arqyly ortasha táýliktik sý aǵynynyń kólemi – sekýndyna 4 720 tekshe metr. «Qazgıdromet» RMK-nyń málimetinshe, sý tasqynynyń negizgi boljamy naýryzdyń birinshi onkúndiginde kútilip otyr. Al, Volgograd oblystyq tótenshe jaǵdaılar jónindegi bas basqarmanyń málimetine súıensek, Edil ózeniniń tómengi gıdrologııalyq beketterindegi sý ortasha kópjyldyq deńgeı shamasynda boljanyp otyr», -dep habarlady departamenttiń baspasóz qyzmeti.
Qazir Atyraý oblysynda kóktemgi sý tasqynynyń aldyn alý is-sharasynyń jospary bekitilgen. Aýdan ákimdikterimen 24 760 qum salynǵan qap, 26,5 tonna janar-jaǵar maı,
615 tonna qum daıyndaldy. Sondaı-aq, qutqarý bólimshelerinen 310 adam, 55 tehnıka, 20
júzý quraly, «MI-8» tikushaǵy daıyndyqqa keltirildi. Jergilikti bıýdjetten tótenshe jaǵdaı zardaptaryn joıýǵa 1 mlrd 92 mln 693 myń teńge qarastyrylǵan.
«Atyraý oblysynyń aýmaǵynda 1967-1994 jyldary salynǵan uzyndyǵy 513 shaqyrymdy quraıtyn bógetter bar. Onyń 181 shaqyrymy jóndeýdi qajet etedi. Avtomobıl joldarynda 421 sý ótkizý qubyry salynǵan. Onyń ishinde 238-i respýblıkalyq mańyzy bar avtojol, al, 183-i oblystyq mańyzy bar avtojol, 68-i temirjol boıynda ornalasqan», -dep málim etti departamenttiń baspasóz qyzmetinen.
