Atyraý oblysyndaǵy dúken sórelerin reseılik taýarlar basyp alǵan - Májilis depýtaty S. Romanovskaıa
ASTANA. 5 qarasha. QazAqparat - Atyraý oblysynda Qazaqstannyń et ónimderi shyǵarylýy qajet.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Parlamenti Májilisiniń depýtaty Svetlana Romanovskaıa málim etti. «Atyraý oblysynda birde-bir et óńdeý boıynsha tsehtyń bolmaýy meni tańǵaldyrdy. Osy oraıda «shujyq ónimderin qaıdan alasyzdar?» degen saýalyma olar reseıden satyp alatyndyqtaryn aıtty. Toqeteri, óńirdegi bizdiń qazaqstandyq dúken sórelerin reseılik taýarlar basyp alǵan»,-dedi depýtat. Osy oraıda halyq qalaýlysy bul oblysta tabıǵı jaǵdaıǵa baılanysty et sharýashylyǵyn damytý múmkin bolmasa da, kórshiles óńirlerden et jetkizip, tıisti et óńdeý kásiporyndaryn qurý kerektigin jetkizdi. «Bul sharalar bizdiń elimizdiń tutynýshylary sapaly ári qaýipsiz, sondaı-aq bizdiń kásipkerler men memlekettik organdar qadaǵalaıtyn ónimge qol jetkizý úshin qajet»,-dep túıdi S. Romanovskaıa.
