Atyraý oblysyndaǵy «Bolat jol» JShS-nyń ashanasynda ýlanǵan jumyskerler aýrýhanadan shyǵaryldy
ASTANA. Naýryzdyń 13-i. QazAqparat - Atyraý oblysynda «Bolat jol» jaýapkerligi shekteýli seriktestiginde ýlanǵan jumyskerler aýrýhanadan shyqty,
dep habarlady QR TJM-nan.
Buǵan deıin tótenshe jaǵdaılar mınıstrliginiń baspasóz qyzmeti, Atyraý oblysy Jylyoı aýdanyndaǵy «Teńiz» vahtalyq kentinde naýryzdyń 8-i men 9-y aralyǵynda 34 jumysshy densaýlyq jaǵdaılarynyń nasharlaýyna baılanysty medıtsına mamanyna shaǵymdanǵanyn habarlaǵan bolatyn. Olardyń 4-ýi dereý aýrýhanaǵa jetkizildi. Jumysshylardyń naýqastanýy kásiporyn ashanasynyń taǵamynan bolǵany anyqtaldy.
Qazirgi ýaqytta Respýblıkalyq sanıtarlyq-epıdemıologııalyq stansysynyń Atyraý oblysy boıynsha memlekettik sanıtarlyq-epıdemıologııalyq qadaǵalaý departamenti men oblystyq densaýlyq saqtaý basqarmasynyń mamandary indet oshaǵynda epıdemııaǵa qarsy is-sharalar júrgizýde.
