Atyraý oblysyndaǵy atys: Jaraqat alǵan bir adam aýrýhanada qaıtys boldy
ATYRAÝ. QazAqparat – Atyraý oblysynda aýyl jastary arasynda bolǵan atystan 6 adam jaraqat alǵan edi. Aýyldyq dárigerlik ambýlatorııaǵa jetkizilgen bir adam qaıtys boldy, dep habarlaıdy QazAqparat.
Buǵan deıin Atyraý oblysynda aýyl jastary arasynda atys bolǵanyn jazǵan edik.
Qyzylqoǵa aýdanyndaǵy Saǵyz aýylynyń mańynda bolǵan atystan 6 adam jaraqat alǵan.
«Atystan 5 adam oq jaraqatyn, 1 adam dene jaraqatyn aldy. Zardap shekkender Saǵyz aýyldyq dárigerlik ambýlatorııasyna jetkizildi. Ókinishke oraı, 1985 jyly týǵan azamat alǵan jaraqattan aýrýhanada qaıtys boldy» - dep málim etti oblystyq polıtsııa departamentiniń baspasóz qyzmeti.
Qazir Saǵyz aýylyna Atyraý oblystyq polıtsııa departamentiniń jedel-tergeý toby jetti. QR Qylmystyq kodeksiniń 99-babynyń 2-bóligimen (Adam óltirý) sotqa deıingi tergeý bastaldy.
