Atyraý oblysyndaǵy «Aqjaıyq» rezervatynda 9 gektar qamys órtendi
ATYRAÝ. QazAqparat – Atyraý oblysyndaǵy «Aqjaıyq» rezervatynda 9 gektar qamys órtendi, dep habarlaıdy QazAqparat.
Oblystyq tóteshe jaǵdaılar departamentiniń baspasóz qyzmetinen málim etkendeı, qamys órti búgin, 21 sáýirde saǵat 01:09-da tutanǵan.
«Atyraý qalasynyń mańyndaǵy Damby aýylynan 5 shaqyrym qashyqta ornalasqan «Aqjaıyq» memlekettik tabıǵı rezervatyndaǵy órt 9 gektar aýmaqty sharpydy. Jalyn saǵat 08:00-de sóndirildi. Órtti sóndirýge departamenttiń arnaıy qyzmetinen 11 adam men 4 tehnıka, Soltústik Kaspıı ekologııalyq shuǵyl áreket etý bazasynan 4 qyzmetker, 1 tehnıka tartyldy», - dep habarlady departamenttiń baspasóz qyzmeti.
Zardap shekkender men qaıtys bolǵandar joq.
Eske sala keteıik, budan buryn Atyraýda órtengen páterden 46 jastaǵy er adamnyń múrdesi tabylǵan bolatyn.
