Atyraý oblysyndaǵy 72 selolyq okrýgtiń 11-inde tıptik úlgidegi mal molalary bar

- Bizge sońǵy 1,5 aptanyń ishinde sýǵa 22 qazaqstandyqtyń batyp ketkendigi, onyń 5-eýi balalar ekendigi týraly aqparat kelip túsýde, - dep atap ótken Úkimet basshysy elimizdiń Іshki ister mınıstri Qalmuhambet Qasymovtan mundaı qaıǵyly oqıǵalardyń aldyn alý úshin jergilikti ákimdiktermen qandaı sharalar qolǵa alynyp jatqanyn surady.

Mınıstr bul aqparatty rastap, ótken jyldyń sáıkes kezeńindegi kórsetkish boıynsha tómendeý bar ekenin jetkizdi.

- Ótken jyldyń esepti kezeńinde 265 adam sýǵa ketken edi. ıAǵnı, tómendeý bar. Sharalar qabyldanyp jatyr. Bizde 50 myń sý qoımasy bar. Onyń tek 125-si ǵana jabdyqtalǵan, onda bizdiń qutqarýshylarymyz tur. Jergilikti ákimdiktermen mundaı qaıǵyly jaıttardyń aldyn alýǵa baǵyttalǵan sharalar qolǵa alynyp jatyr. Sýǵa shomylatyn jerlerdi barynsha jabdyqtaý, menshik ıelerine mindetti qutqarý beketterin ornatqyzý jumystary júrgizilýde. Aqmola oblysynda óte jaqsy tájirıbe bar. Bul óńirde 26 qutqarý beketi ornatylǵan. Halyqty jumyspen qamtý ortalyqtary arqyly ákimdikter qosymsha 25 qutqarý beketin ornatady. Osyǵan sáıkes Aqmola oblysynda sýǵa ketkenderdiń sany eń tómen bolyp otyr. Dál osyndaı jaı Aqtóbe oblysynda da bar. Al, qalǵan oblystar tıisti sharalardy qabyldaýlary qajet, - dedi mınıstr Qalmuhambet Qasymov.

  Jýyrda Indýstrııalandyrý kúnine oraı Elbasy naqty tapsyrmalar júktegen bolatyn. Úkimet otyrysy barysynda QR Ulttyq ekonomıka mınıstri Qýandyq Bıshimbaev osy baǵytta mıkrokredıtteý jáne shaǵyn kásipkerlikti damytý máseleleri boıynsha atqarylyp jatqan jumystarǵa toqtaldy.

- Elimizde búgingi kúni 120 mıllıard teńgeni quraıtyn 556 myń shaǵyn nesıe berildi. Sonyń ishinde kásipkerlik maqsattaǵy nesıe kólemi 64,6 mlrd. teńgeni quraıtyn 138 myń nesıe uıymdary arqyly bólinýde. Bul rette barlyq shaǵyn nesıelerdiń 98 paıyzy qalalarda usynylady. Al, memleket tarapynan beriletin shaǵyn nesıeler «Jumyspen qamtý», «Bıznestiń jol kartasy» sekildi baǵdarlamalar boıynsha júzege asady. Memleket tarapynan beriletin nesıelerdiń basym bóligi aýyldaǵy kásipkerlikti damytýǵa negizdelgen. Al, iri qalalarda memlekettik shaǵyn nesıeler berilmeıdi. Degenmen, bul baǵdarlamalardaǵy shaǵyn nesıelerdi usyný bir-birin qaıtalaıdy. Aýylda, qalada biryńǵaı operator joq. Nátıjeliligi boıynsha monıtorıng te júrgizilmeıdi. «Jumyspen qamtý-2020» baǵdarlamasyna kelsek, ondaǵy shaǵyn nesıelerdiń barlyǵy aýyl sharýashylyǵy salasyna baǵyttalady. Osyǵan baılanysty bul baǵdarlamany jańa aýyl sharýashylyǵy saıasatymen úılestirý kerek, - dedi mınıstr.

  Úkimet otyrysynda QR Aýyl sharýashylyǵy vıtse-mınıstri Gúlmıra Isaeva «sibir jarasy» indeti máselesin kóterdi. Onyń aıtýynsha, Qaraǵandy oblysynda «sibir jarasy» dereginiń tirkelýi et eksportyna esh áser etpeıdi. Óıtkeni, halyqaralyq saýda talaptaryna sáıkes aýsyl, klassıkalyq shoshqa obasy syndy asa qaýipti alty aýrý túri ǵana epızootıkalyq jaǵdaı dep eskeriledi.

  Sonymen qatar, vıtse-mınıstr elimizdiń veterınarlyq qyzmetteri men ákimdikter veterınarlyq baqylaýy, halyq arasynda túsindirý jumystaryn kúsheıtýi tıistigin basa atap ótti.

  Al, QR Densaýlyq saqtaý jáne áleýmettik damý mınıstri Tamara Dúısenova jalaqynyń ýaqytyly tólenbeýi máselesine qatysty baıandama jasady. Mınıstrdiń aıtýynsha, elimizde problemaly 429 kásiporyn bar, olarda 125 myńǵa tarta adam jumys isteıdi.

- Eńbek táýekelderi jónindegi kartaǵa sáıkes, jumysshylarǵa qatysty ortasha táýekeldik deńgeıi, ıaǵnı, eńbek salasynda turaqsyzdyq jaǵdaıynyń bolý yqtımaldyǵy joǵary on óńirde baıqalady. Batys Qazaqstan, Atyraý, Aqmola, Jambyl oblystary men Astana qalasynda eńbek salasyndaǵy turaqsyzdyq táýekeli aıtarlyqtaı emes. Degenmen, birshama sheshimdi talap etetin máseleler nemese jaǵdaıdy nasharlatýǵa alǵysharttar qalyptasqan problemalar barshylyq. Al, Soltústik Qazaqstan oblysy eńbek qatynasy salasyndaǵy táýekelderi eń tómen, turaqtylyq saqtalǵan óńir bolyp otyr, - dedi T.Dúısenova. Sondaı-aq, mınıstr jyl basynan beri elimizde 35 myń jumysshy jalaqysyn ýaqytyly almaǵanyn jáne kásiporyndar barlyq qaryzdarynyń 46 paıyzy - ónerkásip kásiporyndaryna, 17 paıyzy - qyzmet kórsetý salasynda, 16 paıyzy - qurylys kásiporyndaryna tıesili ekendigin jetkizdi.

  Atalǵan máseleler boıynsha Atyraý oblysynyń ákimi Nurlan Noǵaev túsinik berdi. Aımaq basshysynyń aıtýynsha, Atyraý oblysynda búgingi tańda 25 «sibir jarasy» kómin-dileriniń oshaǵy anyqtalyp otyr. Onyń 22-sine memlekettik akt jasaqtalyp, úsheýine topografııalyq syzba ázirlengen. Kúni búginde atalǵan memlekettik aktiler aýyldyq okrýg ákimderine berilip, mal kómindilerin qorshaý jumystaryn júrgizýge 45 mıllıon teńge kóleminde qarajat bólindi, dep habarlady «Atyraý» gazeti.

- Oblystaǵy 72 selolyq okrýgtiń 11-inde tıptik úlgidegi mal molalary bar. Qalǵan 61 okrýgte osyndaı mal molalaryn salý úshin jergilikti bıýdjetten 104 mıllıon teńge qarajat bólindi jáne aımaqta 28 ınsınerator jumys jasap tur. Jetpis eki veterınarlyq bekette dári-dármekti tıisti jaǵdaıda saqtaý úshin tońazytqysh alý sharalary qolǵa alynýda. Mamandarmen kelise otyryp, ınsınetorlarmen qosa, dástúrli ádisterdi qoldanýdy usynamyz. Óıtkeni, ınsıneratorlar jańa tehnologııaǵa negizdelgenimen, ol tıisti ınfraqurylymdy júrgizýdi jáne janarmaı tasymaldaýdy qajet etedi. Bul óz kezeginde qarajatqa kelip tirelip, jobany kúrdelendiretini anyq. Sebebi, kez kelgen aımaq bıýdjetiniń buǵan múmkindigi bola bermeıdi. Al, bıoqaldyqtardy kadege jaratýdyń dástúrli ádisi árdaıym tıimdi júıe bolyp tabylatynyn dáleldep keledi, - dedi oblys ákimi Nurlan Asqaruly.

  Oblys ákiminiń aıtýynsha, qazirgi tańda oblysta 33 jumysshyǵa 7 mıllıon 600 myń teńgeni quraıtyn qaryz bar eken. Bul baǵytta memlekettik organdarmen jáne úshjaqty komıssııamen júıeli jumystar jasalýda. Jumys berýshiler bul máseleniń jýyq arada sheshiletinin aıtyp, ýáde berip otyr. Úkimet basshysynyń suraǵyna oraı oblys ákimi Nurlan Noǵaev búgingi tańda aımaqta munaı qyzmeti jobalarynda tájirıbesi bar kompanııalar jumyldyrylyp otyrǵandyǵyn, «Teńizshevroıl» kompanııasy «Teńiz» jobasyn keńeıtý jumystaryn bastaýyna oraı úlken serpilis baıqalatynyn málimdedi. Sonymen qatar, ózge oblystardan da kompanııalar osy jobany júzege asyrýǵa atsalysýǵa nıet bildirip otyr. - Bul jobany júzege asyrý barysynda 24 500-deı jumys ornyn ashý josparda bar. Onyń ishinde, 19 myńdaı jumys orny Atyraý oblysy aýmaǵynda ashylmaq, - dedi Energetıka mınıstri Qanat Bozymbaev.