Atyraý oblysyndaǵy 5-jaǵdaı: Koronavırýs jergilikti turǵynnan anyqtaldy
ATYRAÝ. QazAqparat - Atyraý oblysynda koronavırýs juqtyrýdyń besinshi oqıǵasy tirkeldi. Áıel adam oqshaýlanyp, aýrýhanaǵa jatqyzyldy, dep habarlaıdy QazAqparat coronavirus2020.kz saıtyna silteme jasap.
Oblystyq Densaýlyq saqtaý basqarmasynyń málimetinshe, indet jergilikti turǵynnan anyqtalǵan. Oǵan test jasaldy.
«Búgin 28 naýryzda koronavırýs juqtyrǵan besinshi jaǵdaı rastaldy. Áıel adam oqshaýlanyp, aýrýhanaǵa jatqyzyldy. Buǵan deıin Atyraý oblysynda tórt adam koronavırýs juqtyrǵan edi. Barlyǵy da statsıonarlyq karantınde jatyr», - delingen aqparatta.
