Atyraý oblysyndaǵy 36 eldi mekendi sý basýy múmkin
Atyraý oblystyq tótenshe jaǵdaılar departamenti qoǵammen baılanys tobynyń málimetinshe, kóktemgi sý tasqynynyń qaýpi Jaıyq, Oıyl, Qıǵash, Jem jáne Saǵyz ózenderinen tónedi.
«Óńirde sý tasqyny qaýpi tónýi múmkin 51 eldi meken tirkelgen. Qazir 15 eldi mekende qaýip seıildi. Al 36 eldi mekende qaýip saqtalyp otyr. Onyń ishinde 26 eldi meken Jaıyq ózeniniń boıynda ornalasqan. Bul eldi mekender 17 myń 030 turǵyn, 86 myńnan astam turǵyn bar», -dep habarlady departamenttiń qoǵammen baılanys toby.
Al, Atyraý qalalyq tótenshe jaǵdaılar basqarmasy bastyǵynyń ýaqytsha mindetin atqarýshy, azamattyq qorǵaý kapıtany Baqtybek Tólegenovtiń deregine súıensek, sý tasqynynyń aldyn alý jáne joıý maqsatynda 6 myń kerýet pen tósek jamylǵysy, 6 myń 600 qum salynǵan qap, 150-den astam kúrek, 14 motopompa, janar-jaǵar materıaldary daıyndalǵan.
«2021-2023 jyldarǵa arnalǵan sý tasqyny qaýpiniń aldyn alý jáne joıý jónindegi sharalar kesheni» jol kartasyna sáıkes Atyraý qalasy men onyń mańynda ornalasqan Jumysker, Geolog, Aqsaı, Atyraý, Erkinqala, Damby, Balyqshy, Qaıyrshaqty, Keńózek eldi mekenderindegi qorǵanys bógetine kúrdeli jóndeý jumystary júrgiziledi. Jaıyq ózeni men Kaspıı teńiziniń jaǵalaýyndaǵy 86 shaqyrymnan astam qorǵanys bógeti bar», -dep málim etti Baqtybek Tólegenov.
Eske sala ketelik, budan buryn Atyraý oblysynda ótken ǵasyrda salynǵan gıdrotehnıkalyq nysandar tozǵanyn habarlaǵan bolatynbyz.
