Atyraý oblysynda zırattardy qıratqan buzaqy ustaldy
ATYRAÝ. QazAqparat –Atyraý oblysynda zırattardy qıratqan buzaqy ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, bul oqıǵa 27 qyrkúıekte saǵat 13:38 shamasynda Qyzylqoǵa aýdanynyń Qoǵam eldi mekeni mańynda bolǵan.
«Qyzylqoǵa aýdanynyń turǵyny «Máten qoja» qaýymyndaǵy túnek úıi men saraıdy órtep, 13 adam jerlengen zırattar men qulpytastardy syndyrǵan. Osyǵan oraı aýdandyq polıtsııa bóliminiń qyzmetkerleri jedel izdestirý sharalaryn júrgizdi.
Nátıjesinde osy aýdannyń 1977 jyly týǵan turǵyny ustalyp, ýaqytsha ustaý ornyna qamaldy. Kúdiktiniń basqa qylmystarǵa qatystylyǵy tekserilýde», -dep
habarlady oblystyq polıtsııa departamentiniń baspasóz qyzmeti.
Qazir qamaýǵa alynǵan kúdiktige qatysty QR Qylmystyq Kodeksiniń 314-babymen (Ólgen
adamdardyń máıitterin jáne olar jerlengen jerlerdi qorlaý) sotqa deıingi tergeý
júrgizilýde.
Eske sala ketelik, buǵan deıin Atyraýda destrýktıvti dinı aǵym ókili 6 jylǵa sottalǵan
edi.
