Atyraý oblysynda jylý maýsymyna daıyndyqqa 3 mlrd teńge jumsaldy
ATYRAÝ. QazAqparat – Atyraý oblysynda jylý maýsymyna daıyndyqqa 3 mlrd teńge jumsaldy, dep habarlaıdy QazAqparat.
Oblystyq energetıka jáne turǵyn úı-kommýnaldyq sharýashylyq basqarmasynyń basshysy Erlan Nazarov málimetinshe, bıyl jylý berý maýsymyna daıyndyqqa 3 mlrd teńge qarajat bólingen. Onyń ishinde jergilikti bıýdjetten 1 mlrd, kásiporyndardyń esebinen 2 mlrd teńge jumsalǵan.
«Kommýnaldyq memlekettik kásiporyndar men mekemelerdiń qarajaty esebinen 15,6 shaqyrym jylý, 1,4 shaqyrym sý jáne sý burý, 696,7 shaqyrym elektr jelilerine jóndeý jumystary júrgizildi. Sondaı-aq, oblysta jylý berý maýsymy qarsańynda 412 bilim berý, 147 densaýlyq saqtaý nysany tolyqtaı synaqtan ótti. Al, kópqabatty 1776 turǵyn úı daıyndyǵy tekserildi. Onyń ishinde 1751 turǵyn úı synaqtan ótkizildi» - deıdi Erlan Nazarov.
Onyń aıtýyna qaraǵanda, 1 qazannan bastap áleýmettik sala nysandaryna jylý berile bastaǵan. Qazir 405 bilim berý, 80 medıtsına nysanynda jylý bar. Al, kópqabatty turǵyn úılerge 15 qazanda jylý beriledi.
Eske sala ketelik, budan buryn Atyraýda taǵy da eki kún ystyq sý berilmeıtinin habarlaǵan edik.
