Atyraý oblysynda jylqysyn izdeýge shyqqan malshy iz-túzsiz ketti
ATYRAÝ. QazAqparat - Atyraý oblysynda ıen dalada fermer joǵalyp ketti, dep habarlaıdy QazAqparat.
Birneshe kún buryn Jylyoı aýdanynda sharýa qojalyǵynyń 47 jastaǵy jetekshisi mototsıklge minip, joǵalǵan bir úıir jylqysyn izdeýge attanǵan.
Ol kelesi kúni de oralmaǵan soń týystary aýdandyq ákimdikke habar bergen.
«Ien dalada habar-osharsyz ketken fermerdi izdeýge tótenshe jaǵdaılar departamentiniń qyzmetkerleri men jergilikti turǵyndar jumyldyryldy. Sondaı-aq polıtsııa qyzmetkerleri ıtpen de izdedi. Olar qula dúzden kórpe men mototsıkldi taýyp alǵan. Alaıda sharýanyń ózi áli tabylǵan joq « dep habarlady aımaqtyq tótenshe jaǵdaılar departamentiniń baspasóz qyzmeti.
Vedomstvonyń málimetinshe, izdeý jumystary jalǵasyp jatyr.
