Atyraý oblysynda jylqylardyń jappaı qyrylý deregi tirkeldi
ATYRAÝ. QazAqparat - Atyraý oblysynda jylqylardyń jappaı qyrylý oqıǵasy tirkeldi, dep habarlady «QazAqparat» HAA tilshisi.
«Oblystyń Isataı aýdany Tuşykól aýyldyq okrýginde jylqy epıdemııasy tirkeldi. Sońǵy derekterge sáıkes, 230-dan astam mal aýyrsa, onyń 100-ge jýyǵy qyrylǵan. Oblystyq veterınarlyq saraptama aktisiniń negizinde saqaý dıagnozy qoıyldy», - dep habarlady Óńirlik kommýnıkatsııa qyzmeti.
Veterınarlyq qyzmet aýrý maldardy oqshaýlaý, olardy emdeý jumystaryn júrgizýde. «Tuşyqudyq aýyldyq okrýginde arnaıy qurylǵan komıssııa jumys isteýde. Onyń mindetine aýrýdyń kórshi aýyldarǵa taramaýyn baqylaý da kiredi», - delingen habarlamada.
