Atyraý oblysynda jylqy qyrylyp jatyr
Oblystyq aýyl sharýashylyǵy basqarmasynyń basshysy Amangeldi Salamattyń
aıtýynsha, Isataı men Qurmanǵazy aýdanynda birneshe jylqynyń neden ólgeni ázirge
belgisiz bolyp otyr.
«Jylqynyń ólý sebebin anyqtaý úshin 25 naýryzda jergilikti veterınarlar synama alyp,
Ulttyq veterınarııalyq referenttik ortalyqqa tapsyrdy. Atalǵan ortalyq mamandary
ólgen jylqyda ınfektsııalyq asa juqpaly aýrýlar qataryna jatatyn anemııa men
rınopnevmonııanyń belgisi bolmaǵanyn anyqtady. Al, veterınarııa mamandary ólgen
jylqydan parazıttik aýrý belgilerine uqsas jaǵdaıdy baıqaǵan. Sondyqtan, oblystyq
veterınarııalyq zerthanaǵa parazıttik aýrýdy anyqtaý úshin synama tapsyryldy. Zertteý
nátıjesi qosymsha habarlanady», -deıdi Amangeldi Salamat.
Onyń aıtýynsha, birneshe turǵynnyń aýyrǵan malyna jergilikti veterınarlar emdeý
jumystaryn júrgizip jatyr. Oblystyq ákimdiktiń shaqyrýymen Qazaq veterınarııalyq
ǵylymı-zertteý ınstıtýty men Bıologııalyq qaýipsizdik problemalary ǵylymı-zertteý
ınstıtýtynyń mamandary 31 naýryz-2 sáýir aralyǵynda atalǵan aýdandarda synama
alyp, zertteý jumystaryn júrgizedi.
