Atyraý oblysynda jyl sońyna deıin 30 áleýmettik nysan iske qosylady

ASTANA. QazAqparat - Jyl sońyna deıin Atyraý oblysynda 6 mektep, 10 balabaqsha, 3 mádenıet úıi men 4 densaýlyq saqtaý nysany iske qosylady, dep habarlaıdy QazAqparat tilshisi.

Búgin OKQ-da ótken baspasóz máslıhatynda Atyraý oblysynyń ákimi Nurlan Noǵaev áleýmettik nysandar qurylysy boıynsha mańyzdy jobalardy atap ótti.

«Bıyl Atyraý oblysynda 2 mektep (724 oryndyq), 5 balabaqsha (1000 oryn), 2 mádenıet úıi (600 oryn), bir densaýlyq saqtaý nysany, 2 dene shynyqtyrý-saýyqtyrý kesheni (480 oryn) jáne bir jataqhana (100 oryn) - 13 nysan paıdalanýǵa berildi. Jyl sońyna deıin taǵy 6 mektep (1244 oryn), 10 balabaqsha (1960 oryn), 3 mádenıet úıi (700 oryn), 4 densaýlyq saqtaý nysany, 2  dene shynyqtyrý-saýyqtyrý kesheni, 4 qaladan shyǵa beristegi statsıonarlyq polıtsııa beketi jáne mamandandyrylǵan HQKO - 30 nysan iske qosylady», - deıdi óńir basshysy.

Nurlan Noǵaev atap ótkendeı, aldaǵy 2019 jyly Atyraý obylysynda taǵy 7 mektep (3264 oryn), 3 balabaqsha (850 oryn), 5 mádenıet úıi (1200 oryn), 3 densaýlyq saqtaý nysany, 2 dene shynyqtyrý-saýyqtyrý kesheniniń (123 oryn) qurylysy aıaqtalmaq. Sonymen qatar, kelesi jyly aımaqta 3 jataqhana (450 oryn), 1 kolledj, 1 lıtseı, jastar men oqýshylar saraıy, Qulsary qalasynda kitaphananyń qurylysy sońyna jetip, halyqtyń ıgiligine beriletin bolady.

Eske sala ketsek, atalmysh baspasóz máslıhatynda Nurlan Noǵaev óńirdegi balyq sharýashylyǵynyń tabysyn da atap ótken bolatyn. Onyń aıtýynsha, atyraýlyq balyq óńdeýshi kásiporyndar 500 keli qara ýyldyryq saýdalaý múmkindigine qol jetkizip otyr. Sonymen qatar, oblystaǵy kadr tapshylyǵy 5-6 jylda joıylatynyn tilge tıek etti.