Atyraý oblysynda jyl sońyna deıin 24 myńǵa jýyq jumys orny ashylady
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń málimetinshe, jyl sońyna deıin 23 956 jumys ornyn ashý josparlanyp otyr.
«Onyń ishinde 14 374 turaqty jumys orny bar. Osy kezge deıin 11 501 jumys orny ashylyp, 6 188 adam turaqty, 5 313 adam ýaqytsha jumysqa ornalasty. Turaqty jumys oryndary birneshe salada ashyldy. Onyń ishinde qurylys ındýstrııasynda 1 856, aýyl sharýashylyǵynda 1 056, bilim berýde 380, densaýlyq saqtaý salasynda 133, kóterme jáne bólshek saýdada 82, kólik tasymalynda 96, ónerkásipte 33, ekonomıkalyq qyzmettiń basqa túrlerinde 2 552 adam jumysqa tartyldy»,-deıdi Azamat Mámbetov.
Basqarma basshysynyń aıtýynsha, jyl basynan beri jumyspen qamtý sharalarymen 7 912 adam qamtylǵan.
Onyń ishinde 4 124 adam turaqty jumys oryndaryna, áleýmettik jumys oryndaryna 374, jastar praktıkasyna 157, qoǵamdyq jumystarǵa 2 950, alǵashqy jumys oryndaryna 30 jáne «Kúmis jas» jobasy boıynsha 6 adam ornalastyrylǵan.
Qysqa merzimdi oqý kýrstaryna 61, onlaın Skills arqyly 166 adam oqytylǵan. Jeke kásip ashý baǵytynda 44 adam memlekettik grant alǵan.
Al, jumyspen qamtý ortalyqtaryna 13 905 adam habarlasqan. Onyń ishinde 7 641 adam jumyspen qamtylǵan.
«Jumyspen qamtýdyń belsendi sharalarynyń biri – bos jumys oryndarynyń jármeńkesi. Jyl basynan beri 193 jumys berýshiniń qatysýymen 18 jármeńke ótkizildi. Jármeńkege 3 013 adam qatysyp, onyń 408-i turaqty jumyspen qamtyldy. Jumysqa ornalastyrý sharalary jalǵasyp jatyr. Jumyssyz adamdarǵa keńes berilip, jumyspen qamtý salasynda engizilgen ózgerister, áleýmettik qoldaý sharalary tanystyryldy»,-deıdi Azamat Mámbetov.
Eske sala ketelik, buǵan deıin Atyraý oblysynda bes aıda 6,5 myńnan astam adam jumyspen qamtylǵanyn habarlaǵan edik.
