Atyraý oblysynda jyl basynan beri jol-kólik oqıǵasynan 89 adam mert bolǵan
Jergilikti polıtsııa qyzmeti basqarmasynyń bastyǵy, polıtsııa polkovnıgi Erlan Bıǵambaevtyń aıtýynsha, tártip saqshylary men jedel járdem brıgadasy jol apaty bolǵan jerge birinshi jetedi. sala mamandary arasynda memorandýmǵa qol qoıylyp otyr.
«Oblystyq jedel járdem stansasymen ortaq memorandýmǵa qol qoıdyq. Maqsat – jol qaýipsizdigin jandandandyrý úshin áleýmettik jelide shynaıy aqparat taratý, jol-kólik oqıǵalarynyń aldyn alý. Óıtkeni, Atyraý oblysynda jyl basynan beri 326 jol-kólik oqıǵasy tirkelip, 89 adam qaza tapty. Al, 391 adam túrli dene jaraqatyn aldy. Jol apaty bolǵan jerge alǵashqy bolyp patrýldik polıtsııa ınspektorlary men jedel járdem brıgadasynyń mamandary jetedi. Óıtkeni, bul – olardyń qyzmettik mindeti. Al, jolaı ótip bara jatqan kýágerler jol-kólik oqıǵasyn mobıldi telefonǵa túsirip, túrli jalǵan aqparatty taratady. Jol apatynan zardap shegýshilerdi kameraǵa túsirip, jarııa etetin jaıttar az emes. Bul zardap shegýshiniń týysqandary men jaqyndaryna moraldyq turǵyda óte aýyr ekenin eskermeımiz. Osy oraıda atalǵan memorandým sheńberinde turǵyndardy ýaqytyly aqparattandyryp, profılaktıkalyq is-sharalardy jandandyrýǵa jumystanamyz» -deıdi Erlan Bıǵambaev.
Oblystyq medıtsınalyq jedel járdem stansasynyń dırektory Azamat Erbolovtyń aıtýynsha, ár brıgada músheleriniń mindeti – alǵashqy medıtsınalyq kómek kórsetý, zardap shekkenderdi aýrýhanaǵa tez jetkizý.
Eske sala ketelik, budan buryn Atyraý oblysynda jyl basynan beri jol apatynan 78 adam mert bolǵanyn jazǵan edik.