Atyraý oblysynda jyl basynan beri kókjótel juqtyrǵandar sany 23 ese kóbeıgen
Atyraý oblystyq sanıtarııalyq-epıdemıologılyq baqylaý departamenti ınfektsııalyq jáne parazıttik aýrýlardy epıdemıologııalyq baqylaý bóliminiń basshysy Aınagúl Sarsenǵalıevanyń málimetinshe, jyl basynan beri kókjótel aýrýynyń 46 deregi tirkelgen.
«Kókjótel – jiti respıratorly, antroponozdy, tek adamǵa juǵatyn bakterıalyq ınfektsııa. Bul aýrýdyń negiz qozdyrǵyshy «Borgetella Pertussis» bakterııasy bolyp otyr. Qazir oblystaǵy epıdemıologııalyq ahýaldy turaqsyz deýge bolady. Ótken jylmen salystyrǵanda, kókjótel dertin juqtyrý 23 ese kóbeıdi. Buǵan koronavırýs pandemııasynan keıin kókjótelge qarsy vaktsınatsııanyń tómendegeni sebep boldy. Jyl basynan bergi 7 aıda kókjóteldiń 46 jaǵdaıy tirkeldi. Onyń ishinde Atyraý qalasynda 41 jaǵdaı, Qurmanǵazy aýdanynda – 3, Mahambet aýdanynda 2 jaǵdaı anyqtaldy. Aýrý juqtyrǵandardyń 98%-y – 14 jasqa deıingi balalar. Olardyń 92%-y kókjótelge qarsy profılaktıkalyq ekpe almaǵan. Kókjótel ınfektsııasynyń aldyn alýǵa baǵyttalǵan kúrestiń jalǵyz jáne tıimdi sharasy – vaktsına alý», -dep habarlady Aınagúl Sársenǵalıeva.
Eske sala ketelik, buǵan deıin Atyraýda kókjótelge qarsy vaktsına almaǵandardan «Borgetella Pertussis» DNQ-sy anyqtalǵanyn jazǵan bolatynbyz.
Departamenttiń málimetinshe, atalǵan aýrýdy juqtyrýdyń 22 deregi kókjótelge qarsy vaktsınany ektirmeýden ekeni belgili bolǵan.
Onyń ishinde profılaktıkalyq ekpelerden bas tartýdyń 10 jaǵdaıy (43,5%) bar. Al medıtsınalyq qarsy kórsetkishke baılanysty 11 derek (47,8%) tirkelgen.
Bireýiniń (4,3%) ekpe alýǵa jasy jasy jetpegen. Taǵy bir adam (4,3%) profılaktıkalyq ekpesin alǵan.
