Atyraý oblysynda jyl basynan beri karantın talaby 620 márte buzylǵan
Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetine súıensek, Atyraý qalasy men aýdandar ákimderdiń ókimimen 64 mobıldi top qurylǵan.
«Qazir mobıldi toptar karantındik shekteý sharalarynyń saqtalýyna monıtorıng júrgizip keledi. Mobıldi toptar quramynda polıtsııanyń, «Atameken» UKP óńirlik fılıaly men ákimdikterdiń ókilderi bar. Bıylǵy 1 qańtar men 29 shilde aralyǵynda 10 976 reıd ótkizilip, 44 777 nysan tekserildi. Mobıldi toptardan quqyq buzýshylyqqa qatysty 620 materıal tústi. Karantın talabyn elemegen shaǵyn jáne orta bıznes nysandaryna, jeke tulǵalarǵa QR Quqyqbuzýshylyq týraly Kodeksiniń 425-babynyń 1-bóligimen 423 aıyppul salyndy» -dep habarlady departamenttiń baspasóz qyzmeti.
Al, shildede mobıldi toptar 910 reıd júrgizip, 3325 nysandy qamtyǵan.
Eske sala ketelik, buǵan deıin Atyraý qalasynda karantın shekteýi kúsheıtilip , oblys ákimi turǵyndarǵa úndeý jasaǵan bolatyn.
