Atyraý oblysynda jyl basynan beri 500-ge jýyq mas júrgizýshi ustaldy
ATYRAÝ. QazAqparat – Atyraý oblysynda jyl basynan beri 500-ge jýyq mas júrgizýshi ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, jyl basynan beri rýlge mas kúıde otyrǵan 500-ge jýyq júrgizýshi jazalanǵan.
«Máselen, 8 qazanda saǵat 02:30 shamasynda jedel basqarý ortalyǵynyń beınebaqylaý qyzmetkerleri Atyraý qalasyndaǵy A.Vladımırskıı kóshesinde kúdik týdyrǵan «Toyota RAV4» markaly avtokóligin baıqaǵan.
«Patrýldik polıtsııa qyzmetkerleri atalǵan kólikti toqtatyp, tekserý júrgizgende rýldegi 1981 jylǵy júrgizýshiden ishimdiktiń ıisi shyqqan. Medıtsınalyq saraptamanyń qorytyndysymen 40 jastaǵy áıeldiń jeńil dárejedegi mas ekeni anyqtaldy» -dep habarlady departamenttiń baspasóz qyzmeti.
Mas júrgizýshige qatysty QR Ákimshilik quqyqbuzýshylyq týraly Kodeksiniń 608-babynyń 1-bóligimen (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) ákimshilik hattama toltyryldy. Sot sheshimimen rýlge mas kúıde otyrǵan áıel 7 jylǵa kólik quralyn basqarý quqyǵynan aıyrylyp, 15 kúnge ákimshilik qamaýǵa alyndy.
Eske sala ketelik, buǵan deıin Atyraýda bir túnde ustalǵan 9 mas júrgizýshi qamaýǵa alynǵanyn habarlaǵan edik.
