Atyraý oblysynda jyl basynan beri 5 adam joǵalyp ketken
ATYRAÝ. QazAqparat – Atyraý oblysynda jyl basynan beri 5 adam joǵalyp ketken. Onyń 3-eýi tabylyp, eki adamdy izdeý áli jalǵasyp jatyr, dep habarlaıdy QazAqparat.
Oblystyq polıtsııa departamenti krımınaldyq polıtsııa basqarmasynyń málimetine qaraǵanda, byltyr 72 adam joǵalǵandar tizimine engen.
«Іz-túzsiz joǵalyp ketken adamdardy izdestirý nátıjesinde 66 adam tabyldy. Olardyń deni otbasyndaǵy jaqyndarymen renjisip, arada týyndaǵan janjaldan keıin joǵalyp ketken. Keıbiriniń joǵalýyna alkogoldik ishimdikke salynýy sebep bolǵan. Bıylǵy jyl basynan bergi bir aıda 5 adamnyń joǵalǵany belgili boldy. Onyń úsheýi tabylyp, otbasyna qaıtaryldy. Al, eki adamdy izdestirý is-sharasy áli jalǵasyp jatyr», -dep habarlady departamenttiń baspasóz qyzmeti.
Bıyl iz-túzsiz joǵalyp ketken adamnyń biri – 65 jastaǵy zeınetker. Mahambet aýdanynyń Beıbarys aýylynda turatyn qarııa 28 qańtarda joǵalǵan edi.
Sodan beri áli tabylǵan joq. Zeınetkerdi 29 qańtardan beri izdestirip jatyr. Ony aldymen súńgýirler Jaıyq ózeninen izdedi.
Keıinnen izdestirý is-sharasyna kókparshylar qosyldy.
