Atyraý oblysynda jyl basynan beri 4 923 adam turaqty jumysqa ornalasty
Oblystyq jumyspen qamtýdy úılestirý jáne áleýmettik baǵdarlamalar basqarmasynyń bólim basshysy Gúlbolat Amanǵalıevanyń málimetinshe, jyl basynan beri jumyspen qamtý ortalyǵyna 10 096 adam júgingen.
«Basqarmaǵa habarlasqan adamdardyń arasynan jergilikti 4 923 turǵyn turaqty jumysqa ornalastyryldy. Jalpy jumyspen qamtý sharalarymen 5 045 adam qamtyldy. Onyń ishinde 2 219 adam turaqty jumys oryndaryna, 328 adam áleýmettik jumys oryndaryna, 120 jas túlek jastar praktıkasyna, 2 256 adam qoǵamdyq jumystarǵa, 22 adam alǵashqy jumys oryndaryna ornalasty. Buǵan qosa, onlaın Skiils oqytý kýrsyna 56 adam jiberildi. Al, óz kásibin ashý baǵytynda 44 adamǵa memlekettik grant berildi», -deıdi basqarmanyń jumyspen qamtý bóliminiń basshysy Gúlbolat Amanǵalıeva.
Onyń aıtýynsha, bıyl ulttyq jobalar sheńberinde azamattardy jumyspen qamtýdyń 10 qadamy algorıtmi jasaqtalǵan. Algorıtmge sáıkes is-sharalar aqparattyq júıe arqyly iske asyrylady. Sondaı-aq, elektrondyq eńbek bırjasynda onlaın jármeńkeler uıymdastyrý kózdelgen.
«Bıyl «2021-2025 jyldarǵa arnalǵan kásipkerlikti damytý jónindegi» ulttyq joba negizinde áleýmettik qoldaý sharalaryn iske asyrý jospary jasaqtaldy. Sonyń aıasynda 21 751 adamdy ár túrli baǵyttaǵy qoldaý sharalarymen qamtý josparlanyp otyr», -deıdi Gúlbolat Amanǵalıeva.
Eske sala ketelik, buǵan deıin Atyraý oblysynda 6 798 adam jumyssyz retinde tirkelgenin jazǵan bolatynbyz.
