Atyraý oblysynda jyl basynan beri 26 adam sýǵa ketken
ATYRAÝ. QazAqparat – Atyraý oblysynda jyl basynan beri 26 adam sýǵa ketken, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń aqparatyna qaraǵanda, Atyraý qalasynda, Jylyoı men Qurmanǵazy aýdanynda táýlik boıy kezekshilik atqaratyn 3 sýda qutqarý stansasy bar. Munda 11 kásibı qutqarýshy jumys isteıdi.
«Jyl basynan beri óńirdegi sý aıdyndarynda sýǵa batqan 26 adam qaıtys boldy. Onyń ishinde Atyraý qalasynda – 12, Jylyoı aýdanynda – 5, Mahambette – 4, Qurmanǵazyda – 3, Inder aýdanynda 2 adam jantásilim etti. Sýǵa ketkenderdiń arasynda 8 bala bar. Jedel qutqarý jasaǵynyń kómegimen 1 eresek adam men kámeletke tolmaǵan 2 jasóspirim qutqaryldy», - dep málim etti departamenttiń baspasóz qyzmetinen.
Sondaı-aq, polıtsııa qyzmetkerlerimen birge sý aıdyndarynyń jaǵalaýynda reıd ótkizilip, quqyq buzýshylarǵa 259 ákimshilik hattama toltyrylǵan.
Eske sala ketelik, buǵan deıin Atyraý oblysynda 3 jasar qyz ben 6 jasar bala sýǵa batyp ketkenin habarlaǵan edik.
