Atyraý oblysynda jyl basynan beri 25 adam sýǵa batyp ketken
ATYRAÝ. QazAqparat - Atyraý oblysynda jyl basynan beri 25 adam sýǵa ketip kóz jumǵan, dep habarlaıdy QazAqparat.
«Óńirde jyl basynan beri 25 adam sýǵa batyp qaıtys bolǵan, onyń ishinde úsheýi - bala. Olardyń arasynda jazǵy aılarda sýǵa ketken adam sany - 14. Kóktemde adamdar ózen betindegi juqa muzdyń ústimen júrem dep jazataıym qaza tabady. Al jazda kópshilik sýǵa túsýge arnalmaǵan, múlde jabdyqtalmaǵan jerde shomylady. Marqumdardyń barlyǵy osyndaı tyıym salynǵan jerde sýǵa túsken» dep málim etti oblystyq tótenshe jaǵdaılar departamentiniń baspasóz qyzmeti.
Kúzgi salqyn kelgenine qaramastan keıbireýler áli kúnge deıin Jaıyq ózenine shomylyp júr. Degenmen mamandardyń aıtýynsha, bul óte qaýipti, qazir sýdyń temperatýrasy tómen, sondyqtan adamnyń denesi, aıaq-qoly siresip qalýy múmkin.
